Reality of Life

 زندگی کی حقیقت 

سنو یہ زندگی کیا ہے 

محض دھوکہ دکھاوا ہے 

چمک اسکی ہے خیرہ کن  

جو عیبوں کو چھپاتی ہے 

نگاہ چندھیا جاتی ہے ، بصیرت چوک جاتی ہے ۔۔۔۔۔۔

یہاں موسم نرالے ہیں 

یہاں کے سر انوکھے ہیں 

یہاں روشن سرابیں ہیں

دکھاوے کے اجالے ہیں

 پس پردہ لیکن تنے تاریک جالے ہیں ۔۔۔۔۔ 

سنو اس عارضی سی زندگی پر دام نہ وارو 

عوض اسکے حقیقی گھر کہیں تم بیچ نہ ڈالو 

خدا سے سودا کرلو جنتوں کا اے یقیں والوں 

کمائی سے یہاں کی اس جہاں کی راحتیں پالو

فریب زندگانی میں خدارا خود کو نہ ڈالو ۔۔۔۔۔۔

فتنوں کی یہ بستی ہے

گناہوں میں یہ تپتی ہے 

یہاں جیون سسکتا ہے 

یقین بے ڈول رہتا ہے 

یہ سب دھوکے کی بستی ہے یہاں تم دل نہیں ہارو ۔۔۔۔۔ 

فناء اسکی محافظ ہے 

وہی اسکا کنارہ ہے 

بقائے دائمی سے جو ملادے وہ سہارا ہے 

سہانا ایک سپنا ہے ، فقط لمحوں کی عیاشی 

اگر یہ کھیل ہارو تو خسارہ ہی خسارہ ہے ۔۔۔۔۔

بساط زندگی کے تم فقط ادنی سے مہرے ہو 

تمہارے بن بھی جاری ہی رہے گا کھیل یہ سارا 

سو بہتر ہے کہ سمجھو تم یہاں جینے کے گر جو ہوں

کرو کچھ لازوال ایسا کہ اس ادنی سے مہرے کی 

رفعت کو چوم لینے کی تمنا آسماں کو ہو ۔۔۔۔۔۔ 

خدا کے حکم کو سمجھو ، اسی کی راہ اپناؤ 

تخت تم کامرانی ، شادمانی ، تابناکی کا 

یوں دونوں ہی جہانوں میں اپنے نام کرواؤ 

جیو ایسے کہ خود جیون بھی تم پر فخر کرتا ہو 

 بقاء دائمی سے پھر فناء کو تم ہرا جاؤ ۔۔۔۔۔۔۔ 

سنو دنیا یہ دھوکہ ہے سو اس سے بچ کے رہنا ہے 

حیات جاوداں چاہو تو راہ دیں پہ چلنا ہے 

فلاح پانی ہو تم کو تو صراط مستقیم ہی ہے 

جہاں کا راستہ ملتا فلاح کی منزلوں سے ہے 

حقیقی جو اجالا ہے اسی پر چل کے ملنا ہے ۔۔۔

~ خولہ خالد